Јута Џез на домашен терен го совлада Денвер Нагетс со резултат 123:102. Тимот кој се очекува да биде на едно од последните места на крајот на сезоната ги посрамоти Нагетс кои по повеќе од една година играа во најсилниот тим со Џамал Мареј и со Мајкл Портер.
Двајцата не се прославија, а Никола Јокиќ беше исклучителен со 27 поени (12/17), четири скока, шест асистенции и три украдени топки за 33 минути на паркетот. Јута набрзо имаше 22 поени предност и Денвер не успеа да се врати.
Кај Јута, се истакнаа Колин Секстон со 20 поени и пет скока и Лаури Марканен со 17 поени, Руди Геј со 16 и Малик Бисли со 15 поени.
Шарлот Хорнетс беа убедливи на гости против Сан Антонио и славеа со 102:129. Тери Розие со 24 поени и Гордон Хејворд со 20 поени беа предводници во триумфот на Шарлот.
Њу Орлеанс Пеликанс исто така победи убедливо (108:130) на гости против Бруклин Нетс. Кевин Дурент беше осамен кај Бруклин иако постигна 32 поени, а кај гостите расположени беа Брендон Инграм со 28 поени и Зион Вилијамсон со 25 поени.
Феникс Санс во интересен натпревар го совладаа Далас Маверикс со 107:105. Девин Букер ги предводеше „сонцата“ со 28 поени, а кај Далас најефикасен беше Лука Дончиќ со 35 кошеви.