Олимпијакос стигна до импресивна 89:87 победа на гости кај Реал Мадрид благодарение на фантастичниот Костас Слукас за грчкиот клуб да го продолжи совршениот старт на новата сезона во Евролигата со трета победа во низа.
Слукас прво ја положи топката пред Тавареш и потоа погоди две слободни фрлања за 87:85 предност на Олимпијакос на 32 секунди пред крајот, но Серхио Љуљ успеа да израмни во следниот напад. На пет секунди пред крајот, Слукас повторно го помина Еди Тавареш за клучни поени.
vi spiego l’eurolega: qualcuno passa la palla a kostas sloukas e qualche secondo dopo io esulto pic.twitter.com/frKbiwbHDp
— ʟɪᴀ 24 (@ohmyramsey) October 19, 2022
Црвена звезда ќе почека за првата победа во новата сезона од Евролигата, откако Басконија со неверојатни 19 тројки успеа да стигне до убедлива 92:75 победа над тимот на Владимир Јовановиќ, нивна трета во низа на стартот на сезоната.
Звезда имаше сили за отпор во првото полувреме, во кое беше израмнето, но потоа шоуто го украде Маркус Хауард со 30 поени, а Дариус Томпсон додаде 18 поени. За белградскиот тим, најдобри беа Лука Митровиќ со 17 поени и Огњен Добриќ со 14.
Совршени 3-0 на стартот на сезоната имаат и Алба Берлин, кои со 94:65 го декласираа тимот на Панатинаикос, кој падна на 1-2 скор. Алба имаше 12 поени предност на полувреме, за во средината на третата четвртина да стигнат до 30 поени предност. Лук Сикма со 16 и Тамир Блат со 15 беа најдобри за германскиот тим.
ЕВРОЛИГА, 3.КОЛО
Алба Берлин – Панатинаикос 94:65
Басконија – Црвена звезда 92:75
Реал Мадрид – Олимпијакос 87:89