Тренерот на Денвер Нагетс, Мајк Мелоун, ги критикувал своите кошаркари по поразот од Мемфис Гризлис (108:106). Денвер, по првите осум натпревари имаат скор од четири победи исто толку порази.
„Секогаш кога Јокиќ ќе излезе од игра сѐ се распаѓа. Секоја вечер е така. Жал ми е за него. Ако продолжиме да го користиме со вакво темпо ќе го потрошиме до Божик“, рекол Мелоун.
Јокиќ против Мемфис забележа 34 поени и 11 скока. Не успеа да го погоди последниот шут на мечот, со кој можеше да избори продолженија.
„Ќе живеам со тие шутеви, не е важни и да промаши 1.000 пати од исто толку обиди. Никола е МВП во лигата, кога се решава натпреварот топката треба да биде кај него“, истакнал тренерот на Денвер.