Најдобриот играч на денешницата, Леброн Џејмс, со пораз дебитираше за ЛА Лејкерс. Во првиот меч, во претсезоната Лејкерс беа поразени од Денвер Нагетс 107:124.
Џејмс на дебито имаше учинок од девет поени, три скока и три асистенции. Најефикасен кај „езерџитте“ беше Џавел Мекги со 17 поени, еден повеќе од Брендон Инграм и два од Кајл Кузма.
Кај Денвер седум играчи постигнаа двоцифрен број на поени, најефикасен беше Џамал Мареј со 18, Тајлер Лајлес имаше 14 поени, седум скока и четири асистенции.
Деби за новиот тим имаше и Демар Дерозан. Поранешниот играч на Торонто Репторс, одигра 18 минути во победата на Сан Антонио Спарс над Најами Хит 104:100. Дерозан мечот го заврши со седум поени.
.@DeMar_DeRozan gets his first bucket in a @spurs uniform! #NBAPreseason pic.twitter.com/DfqOFD8Rg1
— NBA TV (@NBATV) September 30, 2018
На останатите натпревари: Чикаго Булс со 128:116 ги победи Њу Орлеанс Пеликанс, додека Бостон Селтикс славеа 115:112 во дуелот со Шарлот Хорнетс.