Леброн Џејмс ќе ги пропушти наредните два натпревари, поради повреда на скочниот зглоб. ЛА Лејкерс ќе бидат без Леброн на натпреварите со ЛА Клиперс и Портланд Трејлблејзерс. Според ЕСПН, можно е Џејмс, покрај овие два, да пропушти уште некој натпревар.
Леброн Џејмс, поради повреда на скочниот зглоб, отсуствуваше шест недели. Се врати во тимот минатата недела, играше против Сакраменто и Торонто, а потоа го пропушти дуелот со Денвер.
На шест натпревар до крајот на регуларниот дел од сезоната, Лејкерси се уште немаат обезбедено место во плеј-офот. Можно е тие да играат плеј-ин со осмиот тим од Западот.
Во моментов Лејкерси на шестото место имат 37 победи и 28 порази, Портланд се седми со 36 победи и 29 порази.