Леброн Џејмс постигна 26 поени, за Лос Анџелес лејкерс да не дозволат Оклахома Сити тандер да се вратат во игра и да стигнат до 128:99 победа за рекордна седма последователна гостинска победа на стартот на една НБА сезона.
Монтрецл Харел додаде 21 поен, Ентони Дејвис заврши со 18 поени и 7 скока, за Лејкерс да го направат најдобриот скор во лигата со 10-3 и да го подобрат сопствениот рекорд од сезоната 1985/86 со седум победи на гости во низа.
Во Шарлот пак, Лука Дончиќ, повторно имаше маестрална партија со 34 поени, 13 скока, 9 асистенции и дури 4 блокади, Криштапс Поризингис додаде 16 поени во камбекот за Далас со 104:93 да ги совладаат Хорнетс.
Тим Хардавеј Јуниор додаде 18 поени за да помогнат Рик Карлајл да стане 16-тиот тренер во историјата со 800 победи во лигата. За Маверикс ова е четврта победа во низа откако ја отворија сезоната со 2-4.
НБА РЕЗУЛТАТИ
Шарлот – Далас 93:104
Детроит – Милвоки 101:110
Њујорк – Бруклин 109:116
Минесота – Мемфис 107:118
Оклахома – ЛА Лејкерс 99:128
ЛА Клиперс – Њу Орлеанс 111:106
Сакраменто – Портланд 126:132