Демијан Лилард се приклучи на легендарниот Клајд Дрекслер како единствен кошаркар на Портланд трејлблејзерс со 15.000 поени за клубот, завршувајќи со 34 поени за Портланд да им го расипе првиот домашен меч на Голден Стејт вориорс со убедлива 123:98 победа.
Си Џеј Меккалам додаде 28 поени за Портланд, постигнувајќи 4 од своите 5 тројки на стартот на мечот, за да стане вториот кошаркар во историјата со 25 или повеќе тројки во првите пет меча од сезоната.
Од друга страна, за Вориорс, Стеф кари имаше само 4-од-12 за тројки за 26 поени, 8 скока и 5 асистенции во првиот домашен меч за Голден Стејт по 297 дена, но и трет драстичен пораз по тие кај Бруклин и Милвоки.
Лошо им одеше и на Денвер нагетс, кои го забележија четвртиот пораз оваа сезона, овојпат со 106:103 од Феникс санс. Никола Јокиќ имаше добар меч со 17 поени, 11 асистенции и 9 скокови, но тоа не беше доволно за втора победа на тимот оваа сезона.
НБА РЕЗУЛТАТИ
Шарлот – Мемфис 93:108
Далас – Мајами 93:83
Детроит – Бостон 96:93
Бруклин – Атланта 96:114
Милвоки – Чикаго 126:96
Минесота – Вашингтон 109:130
Сан Антонио – Л.А. Лејкерс 103:109
Денвер – Феникс 103:106
Јута – Л.А. Клиперс 106:100
Голден стејт – Портланд 98:123