Новиот тренер на Сакрамнето Кингс, Лук Волтон, наводно се соочува со тужба од новинарката Кели Тенант за сексуален напад. Според американските медиуми нападот се случил во 2017 година, во хотелска соба во Санта Моника.
Наводно, Волтон ја поканил новинарката во својата хотелска соба како би разговарале за нејзината книга. Таа во тужбата тврди дека тој „силно ја турнал на креветот, а потоа ја бакнал во вратот, устата и градите“.
Таа врескала и се обидувала да се одбрани, но тој не сакал да престане, а кога некако успеала да избега и стигне до вратата, Волтон и рекол: „Добро е што се видовме“.
Тенант подоцна ја напуштила телевизијата во која што работела за да може да и се посвети на борбата за правата на жените, додека за „Амазон прајм“ работела одбојкарски натпревари.
Лук Волтон одбил да ги коментира овие наводи.