Еден од најголемите НБА кошаркари во историјата, Меџик Џонсон ова лето го помина на одмор во Хрватска, а по враќањето во САД и пратил порака на Бисерка Петровиќ, мајката на уште една кошаркарска легенда, Дражен Петровиќ.
Во рачно напишана порака, Џонсон вели дека си поминал прекрасно во Хрватска и го прогласи Дражен за еден од најголемите на светот.
„Прекрасно си поминав на моето летување во Хрватска. Храната беше одлична, луѓето пријатни, земјата убава и чиста. Хрватска е дом на еден од најдобрите кошаркари во историјата, Дражен Петровиќ“, напишал Џонсон во пораката.
