НБА клубот со најдобар скор во лигата, Јута Џез, предводен од Донован Мичел и Џордан Кларксон стигна до убедлива 126:110 победа над Мемфис, во меч кој беше решен уште во првото полувреме, додека Далас маверикс повторно загуби без Лука Дончиќ во составот.
Мичел и Кларксон заедно имаа 48 поени во првото полувреме, речиси исто колку 53-те на сите играчи на Мемфис, за да направат предност од 17 поени на полувреме, водство кое се зголеми на 30 поени во третата четвртина. Мичел на крајот заврши со 35 поени, Кларксон додаде 28, а Руди Гобер имаше 16 поени и 14 скока.
Лос Анџелес клиперс со 122:112 ги победија Филаделфија Сиксерс за петта победа едноподруго, предводени од Кавај Ленард со 28 поени, додека Далас загубија со 112:103 на гости кај Њу Орлеанс, во меч во кој Зион Вилијамс уфрли 38 поени.
НБА РЕЗУЛТАТИ
Милвоки – Њујорк 96:102
Минесота – Хјустон 107:129
Вашингтон – Детроит 106:92
Сан Антонио – Чикаго 120:104
Њу Орлеанс – Далас 112:103
Оклахома Сити – Бостон 94:111
Јута – Мемфис 126:110
ЛА Клиперс – Филаделфија 122:112
Сакраменто – Кливленд 100:98