Милвоки Бакс забележаа победа над Орландо Меџик 121:107 во третиот меч од меѓусебната серија во плејофот во НБА лигата. Милвоки водат во серијата со 2:1.
Екипата која го имаше најдобриот скор во регуларниот дел од сезоната прашањето на победникот го реши во првото полувреме во кое стекна предност од 27 поени (70:43).
Првиот дел од овој натпревар го обележа тепачката помеѓу Марвин Вилијамс и Џејмс Енис. Двајцата ведаш беа исклучени.
James Ennis and Marvin Williams got into it ? pic.twitter.com/mHdXwjzDky
— Bleacher Report (@BleacherReport) August 22, 2020
Орландо во второто полувреме успеа само да избори пристоен пораз.
Доминираше во победата на Милвоки Јанис Адетокумбо со 35 поени, 11 скока, 7 асистенции и 2 украдени топки. Гркот го следеа Крис Мидлтон кој постигна 17 и Брук Лопез кој реализираше 16 поени.
Кај Орландо се истакнаа Огастин со 24, односно Вучевиќ и Рајс со по 20 поени.