Мемфис Гризлис се зацврстија на третата позиција во Западната конференција. Во директниот дуел за третото место Гризлис ја победија Јута 119:109. ЛА Лејкерс, без Леброн Џејмс, доживеаја нов пораз.
Мемфис уште еднаш потврдија дека сезонава имаат тим за висок пласман. Еден од најмладите тимови во лигата ја победи Јута 119:109. Блескаше Џа Морент со трипл-дабл од 30 поени и по 10 скока и асистенции. Јута без Руди Гобер и Донован Мичел се наоѓа во серија од четири порази.
Шарлот Хорнетс славеа победа во дуелот со ЛА Лејкерс 117:114. „Езерџиите“ во пораз ги однесе Расел Вестбрук и покрај тоа што постигна 35 поени. Вестбрук лошо ги одигра последните два напади на неговиот тим, на крајот промаши и шут со кој можеше на Лејкерси да им избори продолженија.
Актуелните шампиони, Милвоки Бакс лесно се справија со Њујорк Никс. Во победата 128:103, Јанис Адетокумбо забележа 38 поени и 13 скокови, а Џру Холидеј 24 поени и 10 асистенции.