Актуелниот шампион МЗТ Скопје вечерва (18.30 часот) ќе гостува во Битола и се надева дека со триумф ќе стави крај на финалната серија од кошаркарскиот плеј-оф за нова, деветта титула во клупската историја.
Кошаркарите на тренерот Александар Петровиќ водат со 2:1 во серијата до три победи и „брејк“ во Битола ќе им донесе и повторно освојување на шампионскиот пехар.
Аеродромци го добија третиот меч во СЦ „Јане Сандански“ со убедлива разлика (86:62), а Пелистер се надева дека со помош на публиката ќе успее да се избори за „мајсторка“ во финалната серија.
Натпреварот меѓу Пелистер и МЗТ Скопје Аеродром е закажан за вечерва, со почеток во 18.30 часот, во салата „Боро Чурлевски“.