Лука Дончиќ не успеа да се најде во стартната петорка во Западната конференција, иако од навивачите повеќе гласови од него добиле само капитените на конференциите Леброн Џејмс и Јанис Адетокумбо.
19-годишниот дебитант од Словенија од навивачите добил повеќе од 3,3 милиони гласови, но за за стартните петорки во предвид се земаат и гласовите на играчите и новинарите.
Односот во гласањето за стартните петорки е ваков: 50 отсто вредат гласовите на навивачите, а по 25 отсто гласовите на новинарите и играчите.
Full Western Conference frontcourt voting results. Nikola Jokic placed 5th in the media vote, 5th in the player vote and 7th in the media vote. pic.twitter.com/OonOiArk6Y
— Harrison Wind (@HarrisonWind) January 25, 2019
Дончиќ, кој во својата руки сезона ги собра симпатиите на навивачите ширум светот, на крајот добил повеќе гласови од супер-ѕвездите Стеф Кари, Џејмс Харден, Кевин Дурент, Расел Вестбрук…
Исто како Дончиќ мина и некогашниот МВП на сезоната Дерик Роуз. Играчот на Минесота, во гласањето за бековите, од навивачите, добил повеќе гласови од Џејмс Харден и завршил на второто место зад Стеф Кари, но и него му „пресудија“ новинарите и играчите.
Дончиќ, а и Роуз сепак не се без шанси да се појават на главниот натпревар, на 62. „Ол-Стар“ натпревар. Тие го чекаат гласањето на тренерите, наредниот четврток, кога ќе бидат познати резервите.