Кошаркарите на Валенсија брзо заборавија на неуспехот во натпреварите од „Копа Дел Реј“ , кога беа елиминирани во четвртфиналето. Сега остварија голема победа над Барселона (86:76), а фантастично издание имаше македонскиот репрезентативец Ненад Димитријевиќ.
Бекот на Валенсија стигна до одлични бројки за периодот од 27минути кои ги помина на теренот во „Фонтета“. Реализираше 17.поени (5/9 за два и 6/6 за еден поен), на кои придодаде и одлични седум асистенции и четири скока, за најголем индекс на корисност – 20, во победничката екипа.
По 20. коло во Ендеса лигата, сега Валенсија има ефект од 13 победи и 7 порази.