Портланд Трејлблејзерс и Филалделфија ’76 изборија мајсторки во полу-финалните серии во НБА лигата. Портланд со победата 119:108 го израмнија резултатот на 3-3 во серијата со Денвер Нагетс, а Филалделфија обезбедија седми меч против Торонто Репторс со победата 121:101.
Портланд првата четвртина им ја препуштија на гостите од Денвер, а кога се разиграа Лилард, Мекалум и Худ го фатија вистинскиот ритам. Со неколку серии ја одржуваа двоцифрената разлика, а во со серијата 13:5 во последната четвртина кога стигнаа до 104:90 го решија победникот.
Лилард постигна 32 поени, 17 од нив реализираше во третата четвртина, Мекалум заврши со 30, а Худ со 25 поени.
На спротивната страна Никола Јокиќ одигра уште еден брилијантен меч (29 поени, 12 скока, 8 асистенции), Џамал Мареј имаше 24 поени и 10 скока. Потфрлија резервите на Денвер кои погодија само четири од 18 обиди.
Филаделфија од стартот наметна ритм против Торонто, на полувреме имаа предност 58:43, а прашањето на победникот го решија на почетокот на последниот период кога ја достигнаа максималната предност од 24 поени (95:71).
Џими Батлер уште еднаш беше најдобриот играч на Филалдлелфија (25 поени, 6 скока, 8 асистенции), Џоел Ембид забележа дабл-дабл од 17 поени и 12 скока, а се „разбуди“ и Бен Симонс со 21 поен, 8 скока и 6 асистенции.
Торонто го предводеше Каваи Ленард со 29 поени, 12 скока и 5 асистенции. Ова беше првиот меч во серијата на кој Ленард постигна помалку од 30 поени.
Решавачкиот меч се игра в недела од 22 часот во Торонто.