Кошаркарот на Реал Мадрид, Гершон Јабуселе заработи повреда на натпреварот со Монако во рамките од деветтото коло од Евролигата.
Избраниците на Чус Матео ги совладаа „кнезовите“ (91:73), но останаа без еден од важните играчи.
Лекарскиот извештај покажа дека францускиот кошаркар ги скинал страничните внатрешни лигаменти на левото колено, што го потврди и Реал.
Од клубот не соопштија колку време Јабуселе ќе биде далеку од терените.
Покрај него, тренерот на Мадрид веќе извесно време не може да смета на Елио Ндиаи и Карлос Алосен.
Реал моментално е без пораз во Евролигата и АЦБ лигата.
Во следното коло од домашното првенство ја пречекуваат Уникаха, а потоа и Алба во Евролигата.