Плејмејкерот на Анадолу Ефес Шејн Ларкин како натурализиран играч ќе го носи дресот на Турција. Ларкин нема да го смени името за да игра за Турција.
Најдобриот играч во Евролигата оваа сезона ги демантираше информациите дека неговото име ќе биде ДеШејн Дејвис Каркин.
„Не се точни наводите дека ќе го сменам името. Ќе го задржам името со кое сум роден и со турското државјанство“, напишал Ларкин на „Твитер“.
All reports I am changing my name are false. The name I was born with is the name I will keep for my Turkish Citizenship. ????♂️??
— Shane Larkin (@ShaneLarkin_3) February 10, 2020
Во минатото играч на Фенербахче Боби Диксон кога доби турско државјанство го одбра името Али Мухамед, а пред него Мирсад Јаховиќ го одбра презимето Турчан.
Ларкин треба да им помогне на Турците да се пласираат на олимписките игри во Токио. Квалификацискиот турнир на кој ќе настапи Турција ќе се игра во Канада.
Турција е во група со Уругвај и Чешка, во втората група се Канада, Грција и Кина. Пласман на ОИ ќе избори само победникот.