Кошаркарите на ТФТ се пласираа во полуфиналето од плеј-офот во Првата лига откако ја добија мајсторката на домашен терен против Еуро Никел со 73:59. Во полуфиналната серија ТФТ за противник го очекува подобриот од серијата меѓу Пелистер и Феникс во која исто така се игра мајсторка, а решавачкиот меч е закажан за утре.
Гостите имаат предност (8:14) по првиот период, а на полувреме заминаа со три поени позитива (26:29).
По третата четвртина ТФТ стигна до минимално водство (51:49), а на крајот сепак избраниците на Боро Смилковски стигнаа до сигурен триумф.
Александар Костососки постигна 26 поени за тимот на ТФТ, а најефикасен на мечот беше гостинскиот кошаркар Планиниќ.