Њу Орлеанс пеликанс потврдија дека се разделиле со тренерот Стен ван Ганди по само една сезона во тимот. Пеликанс имаа разочарувачка 31-41 сезона и не успеаја да влезат во плејофот во Западната конференција.
„Му се заблагодаруваме на Стен за интегритетот и професионализмот со нашиот тим и посветеноста кон напорната работа. Ова беше тешка одлука, бидејќи лично и професионално имам голем почит кон него, но сметаме дека е најдобро да одиме во поинаква насока“, изјави потпретседателот на кошаркарски операции на клубот, Дејвид Грифин.
Можни замени за Ван Ганди се асистентите Жак Вон и Име Удока (Бруклин), Чарлс Ли (Милвоки) и Џејсон Кид (ЛА лејкерс), тврди „ЕСПН“.