Кошаркарите на Милвоки славеа во НБА дербито против Лос Анџелес Клиперс. Франшизата од Висконсин го доби натпреварот со 113:106.
Демијан Лилард го предводеше Милвоки со 41 поен, а го следеше Боби Портис со 28 поени и 16 скока.
Кај Клиперс подобри од останатите беа Пол Џорџ и Џејмс Харден со по 29 поени.
Милвоки е втор во Источната конференција со 41 победа и 21 пораз, а Клиперси се четврти на Западот со 39 победи и 21 пораз.
Вашингтон го забележа 15. пораз по ред, откако беше поразен од Јута со 115:127.
Најдобар во победата кај Јута беше Џордан Кларксон со 38 поени, 10 скока и седум асистенции, додека кај Вашингтон се истакна Џордан Пул со 32 поени.
Јута е 11. во Западната конференција со 28 победи и 34 порази, а Вашингтон го забележа 52. пораз сезонава и е на последното место на Истокот со девет победи.
Како домаќин Минесота го совлада Портланд со 119:114, а Руди Гобер беше најдобар во победничкиот тим со 25 поени и 16 скока. Кај гостите се истакна Анфреми Симонс со 34 поени и 14 скока.
Лос Анџелес Лејкерс на домашен терен ја победија Оклахома со 116:104.
Лејкерси до победата ги предводеа ДиАнџело Расел со 26 поени, Ентони Дејвис со 24 поени и 12 скока и Леброн Џејмс со 19 поени, 11 скока и осум асистенции, додека кај Оклахома се истакна Шеј Гилџис-Александер со 20 поени и седум скока.
Во останатите натпревари Мемфис на гости го победи Бруклин со 106:102, а Сакраменто на домашен терен беше поразен од Чикаго со 109:113.