Борусија Дортмунд го доби Рурското дерби против Шалке 04, нагости со 1-2, на полувреме гостите водеа со 0-1.
На „Велтинс Арена“ првиот шок за домашните навивачи дојде во 7. минута година, кога Томас Делани со глава донесе водство за Борусија.
Преку пенал Шалке израмни на 1-1, стрелец Даниел Калигури. Конечните 1-2 беа дело на младиот Џејдон Санчо кој прецизно биеше во 74. минута за победа за Борусија и прво место на табелата со 9 бода пред второпласираниот Баерн Минхен.
Во останатите дуели од 14. коло од Бундес лигата Баерн Минхен без никакви проблеми попладнево славеше домашна победа против Нирнберг со резултат 3-0.
Полјакот Роберт Левандовски на двапати во првиот дел ја тресеше мрежата, во 9. и во 27.минута, додека Франк Рибери го постигна третиот гол за Баварците.
Фрајбург убедливо го совлада Лајпциг со 3-0, „Фармацевтите“ од Леверкузен минимално славеа над Аугсбург со 1-0, додека Волфсбург и Хофенхајм ремизираа во натпревар со четири голови, 2-2.