Поранешниот селектор на фудбалската репрезентација на Шпанија, Висенте дел Боске изјави дека му било сон да го види Лионел Меси (31) во репрезентацијата на „црвената фурија“.
Тој во изјава за радио „Вила Тринидад“ вели дека голем труд вложиле првите луѓе на Фудбалскиот сојуз на Шпанија за да го наговорат Меси да го облече дресот на „фуријата“, но безуспешно“.
„Сојузот вложи доста труд и наговарање за Меси да заигра за Шпанија, но без ефект. Лионел одби затоа што ја сака својата татковина. Меси е Меси, еден и единствен, ми беше сон да го тренирам“ – рече Дел Боске.
Сјајниот Аргентинец се приклучи на Академијата на Барселона во 2001 година и беше во можност да одбира меѓу Аргентина и Шпанија, но сепак ја одбра татковината каде што е роден.
Сепак успесите на Меси со Аргентина се разочарувачки во однос на клупските. Со „гаучосите“ загуби три финалиња на Копа Америка, а загуби и во финалето на Мундијалот 2014 година.
Former Spain manager Vicente del Bosque ?
"The Federation made every effort to get Messi to play for Spain. Lionel refused because he loves his country. His arrival would have been for the best."
Imagine Messi in Spain's 2010 World Cup winning team ? pic.twitter.com/cNy47eyBvK
— Footy Accumulators (@FootyAccums) May 2, 2019