„Росонерите“ од Милано му понудиле 6 месечен ангажман на шведскиот интернационалец, Златан Ибрахимовиќ, пишува италијанска „Газета дело Спорт“.
Медиумите на Апенините информираат дека спортскиот директор на Милан, Звонимир Бобан прави напори на „Сан Сиро“ да ги доведе и хрватскиот интернационалец од Реал Мадрид, Лука Модриќ и српскиот дефанзивец од Јунајтед, Немања Матиќ.
На Модриќ летоска му истекува договорот со Кралевите од Мадрид, а Матиќ уште зимоска би можел да ја смени средината.
Цената за него е поднслива, а тој не е во плановите на менаџерот Оле Гунар Солскјаер.
„Матиќ е желба на Милан затоа што на екипата би и донел физичка подготвеност и динамика, а Модриќ е стар сон. Неговата висока плата би се исплатела со зголемена продажба на влезници и на дресови“ пишува „Газета“.