Top Sport

Кастратовиќ по само 40 дена се одјави од Металург

Ракометниот клуб Металург на 3 дена пред реванш-мечот од третото коло во ЕХФ Купот остана без кормилар. Зоран Кастратовиќ поднесе оставка во клубот од Автокоманда по само четириесетина дена на чело на екипата. Тој одлуката денеска им ја соопштил на челниците на клубот.

За утре Металург најави прес-конференција на која се очекува да се обелодени дали оставката на Кастратовиќ ќе биде прифатена.

Кулоарските муабети се дека потегот на Кастратовиќ е поради недоразбирањата кои ги имал со дел од ракометарите на Металург.

Инаку Кастратовиќ е вториот тренер кој си поднесува оставка во клубот од почетокот на сезоната. Претходно Дамир Стојановиќ, кој само еден месец беше кормилар на „Металурзите“ реши да ја напушти Автокоманда.

Фото: РК Металург

Scroll to Top