Своевремено еден од најдобрите играчи во светот на позиција последен играч во средниот ред, Французинот Ласана Диара (34) го напушти тимот на ПСЖ. И не само тоа. Тој на 34 години решил да стави крај на фудбалската кариера и да влезе во бизнисмени.
Фудбалерот, кој во Париз дојде минатата зима, решил да му стави крај на фудбалот за да може стопроцентно да се посвети на производството на енергетски пијалоци.
Оваа одлука наиде на изненадување во јавноста. Диара кој настапи на 19 меча за „светците“ беше доведен во ПСЖ за да им биде алтернатива на Верати и Рабио на средината од теренот.
Во текот на кариерата Французинот настапуваше во Арсенал, Челси, Марсеј, но светската слава ја доживеа во Реал Мадрид.