Top Sport

Леванте на Барди подобар од Мајорка без Трајковски

Екипата на Леванте синоќа во првиот меч од 14 коло во Ла Лига со 2-1 славеше триумф против екипата на Мајорка. За домашните од 79 минута во игра беше македонскиот фудбалски репрезентативец, Енис Барди, додека во составот на гостите повторно го немаше неговиот колега од македонскиот национален тим, Александар Трајковски.

Првото полувреме протече во мирна игра, без поголеми возбудувања пред двата гола.

Домашните до предност од 1-0 дојдоа во 52 минута од мечот, со голот на Роџер, на асистенција на Мирамон. Иако ситуацијата наликуваше дека е офсајд, сепак голот беше признат.

Гостите од Балеарските острови по само 13 минути успеаја да го изедначат резултатот. Во 65 минута Дани Родригес прецизно стрелаше за 1-1, асистент беше Састре.

Конечните 2-1 беа дело на Рубен Рочина во 73 минута, со удар од далечина.

Scroll to Top