Top Sport

ЛШ: Мец со „брејк“ во Букурешт, Лекиќ и Радичевиќ се пред елиминација

Ѕвездениот состав на ЧСМ Букурешт попладнево беше непријатно изненаден од француски Мец во првиот четвртфинален дуел од женската ракометна Лига на шампиони. Во Букурешт фаворизираниот домаќин загуби со 5 гола разлика, 26-31 и сега е многу далеку од влез на Ф4 турнирот во Будимпешта.

Гостинките доминираа во текот на целиот дуел, а домашните ракометарки во текот на целиот меч го бркаа резултатот.

Во победничката екипа прв стрелец беше Смитс со 6 погодоци, додека Едвиг даде 5 гола.

Кај ЧСМ Букурешт екс-вардарките Јованка Радичевиќ и Андреа Лекиќ сами се спротивставуваа на Мец, двете постигнаа по 9 гола, а уште една екс-вардарка, Барбара Лазовиќ трипати прецизно стрелаше во противничката мрежа.

Реванш дуелот се игра на 13 април во Франција.

Scroll to Top