Кошаркарот на Морнар од Бар (Црна Гора), Урош Луковиќ е прогласен за најкорисен МВП кошаркар на 15 коло во регионалната АБА лига.

Луковиќ во саботата го предводеше Морнар до победа против словенечка Приморска со 99-84 со 16 поени, 6 скока, 3 асистенции и 1 украдена топка. За 22 минути на паркетот собра индекс на корисност – 31.

По бројот на поени, во 15-тото коло се истакна играчот на Мега Бемакс, Кендрик Пери со 31 поен, а според бројот на реализирани скокови прв беше Жига Димец од Приморска, оствари 13 скока.

Најдобар меѓу асистентите со 10 точни додавања е Мајкл Грин од Игокеа, а најдобар „крадец“ е Марин Розиќ од Цибона со 5 украдени топки.