Нов неуспех на ЛА Лејкерс на домашен терен. Овојпат „езерџиите“ се поразени до Бостон со 120-107. Селтикси до победата стигнаа најмногу благодарејќи на Кајри Ирвинг кој имаше учинок од 30 поени, 7 скока и 5 асистенции.
Леброн Џејмс со трипл дабл учинок (30 поени, 12 асистенции и 10 скока) не успеа својот тим да го спаси од пораз.
Бостон до сега имаат на Истокот скор 41-26, додека ЛА се се подалеку од место во плеј-офот со скор 30-36.
Лидерот на Истокот, Милвоки беше убедлив против Шарлот со 131-114. Адетокумбо беше предводник на Бакси со 26 поени и 13 скока.
Минесота го доби драматичниот дуел со Вашингтон со 135-130 по продолжение. Карл Ентони Таун со неверојатни 40 поени ја донесе победата за „волците“, а препородениот Дерик Роуз учествуваше во победата со 29 поени. Кај поразениот тим се истакна Бредли Бил со 36 поени, 10 скока и 9 асистенции.
Кошаркарите на Сакраменто во првиот синоќешен натпревар во НБА лигата го победија Њујорк Никс во „Медисон Сквер Гарден“ со резултат 102-94.
Мечот го одбележа Диарон Фокс кој постигна 30 поени, а Немања Бјелица за 29 минути поминати на паркетот реализираше 13 поени и 10 скока.
Ова се сите резултати на синоќешните мечеви:
Њујорк – Сакраменто 94-102
Атланта – Бруклин 112-114
Минесота – Вашингтон 135-130 по продолженија
ЛА Лејкерс – Бостон 107-120
Милвоки – Шарлот 131-114
Портланд – Феникс 127-120
https://youtube.com/watch?v=iJdZZu-KL4Q