Кошаркарите на Шпанија ги навикнаа навивачите на успеси и медали, па такви се очекувањата и сега, на еден месец пред почетокот на Мундијалот во Кина.
НБА-ѕвездата, Рики Рубио најавува високи цели, а тоа за него е една од медалите на шампионатот.
„Таа цел е далеку, а патот до неа е многу тежок. Не можеме да размислуваме за играчите кои не се на подготовките, туку за оние кои се тука. Атмосферата е добра, се чувствуваме одлично и екипата почнува да гради победничка хемија“ – изјави Рубио за шпанските медиуми.
Тој потенцира дека со години наназад на прво место кај „фуријата“ е тимскиот дух.
„Квалитетот може да не однесе многу далеку, но најважно е што Серџо Скариоло е со години со нас и добро знаеме што сака. Сепак, секогаш не изненадува со нешто ново“ – вели 28-годишниот плејмејкер.
Рубио смета дека пред младата генерација во репрезентацијата е исклучително тешка задача да ги повтори успесите на претходниците.
„Ментално сум многу стабилен, физички подготвен. Веќе три години играм без никакви проблеми со повреди. Се чувствувам како „мал ветеран“ – потенцира кошаркарот.