Кошаркарите на Турција со победа го започнаа СП во Кина откако на стартот ја совладаа Јапонија со убедливи 86-67.
Турскиот селектор на овој меч користеше само 10 играчи, а деветмина од нив се запишаа во листата на стрелците.
Турција беше доминантна во скокот против „самураите“, 43-27, а доминираа и по бројот на асистенциите 22-13.
Најдобри во победничката екипа беа Ерсан Илјасова и Мелих Махмутоглу со по 17 поени, а нашинецот Чеди Осман мечот го заврши со 12 поени.
Кај Јапонците најпрецизни беа Ник Фазекаш и Руи Хачимура со по 15 поени.
Мечот од истата група, меѓу САД и Чешка започнува во 14.30 часот по средноевропско време.
https://youtube.com/watch?v=sHFX2R4eZ0g