Top Sport

Зарко на пол-позицијата во Ле Ман, Крaчлоу заврши в болница (Видео)

Возачот на Јамаха Тех 3, Жоан Зарко, ќе стартува од пол-позицијата на утрешната трка за Големата награда на Франција, во „кралската класа“ во Мото ГП шампионатот.

На патеката во Ле Ман, пред домашната публика, времето на најбрзиот круг на Зарко беше 1:31.185 минути.

Веднаш до францускиот возач, трката од првиот ред ќе ја запчнат актуелниот светски првак Марк Маркез (Репсол Хонда) и Данило Петручи (Прамак Дукати).

Зад најдобрите тројца се возачот на Сузуки Андреа Јаноне и довецот од Дукати Андреа Довициозо и Хорхе Лоренцо.

Квалификациите за утрешната трка ги обележа паѓањето на Кал Крачлоу. Возачот на ЛЦР Хонда падна во вториот дел од квалификациите.

Британецот поради тешкиот пад веднаш е префрлен в болница.

Трката за Големата награда на Франција, во Ле Ман в недела ќе започне во 14 часот.

Scroll to Top