Стефанос Циципас на експресен начин го победи Ринки Хиџиката со 3:0 во сетови за пласман во третото коло на Австралија Опен. Грчкиот тенисер за само час и 33 минути го надигра Австралиецот и му препушти само пет гема.
Хиџиката даде отпор на стартот, играше сигурно до шестиот гем, но тогаш Циципас направи брејк и го освои сетот со 6:3. Гркот потоа за само 26 минути без загубен гем го освои вториот сет, а третиот го доби со 6:2.
Шаповалов беше подобар од Даниел во три сета, а и Корда на идентичен начин го победи Ватануки.
Кај дамите, лесен пласман во следната рунда од Австралија опен обезбедија Викторија Азаренка и Марта Костјук.