Македонскиот таеквондист Дејан Георгиевски донесе нов медал за Македонија. Тој освои бронза на Гран-при турнирот во Рим од серијата Г6.
Тоа е турнир со огромна конкуренција, над него се рангирани само Олимписките Игри и Светското првенство, котира повисоко дури и од Европско првенство.
Георгиевски во полуфиналето налета на поранешниот олимписки шампион Чеик Салах Сисе од Брегот на Слоновата Коска и загуби со 4-2.
Тој на патот до полуфиналето ги победи Роберто Бота од Италија (2-1) и Маикон Сеиквира од Бразил (2-0).
Ова е прв медал за Македонија од Гран-при турнир во таеквондо.