Актуелните шампиони од Дејвис купот, Хрватска го загубија првиот меч од финалето во нов формат на тениското натпреварување, откако во Мадрид, Русија ги победи со 2:0.
Андреј Рубљев лесно со 6:3/6:3 го совлада дебитантот во тимот Борна Гојо, по што Карен Хачанов со 6:7(4)/6:4/6:4 беше подобар од Борна Чориќ. Младиот Хрват спасуваше три брејк топки во првиот сет, пред да го освои во тај-брејк, но потоа Хачанов безмилосно со два брејка го освои мечот.
Сепак, ова не значи дека Хрватите се елиминирани, бидејќи со новиот формат на натпреварување, креиран од ИТФ и од фудбалерот на Барселона, Жерард Пике, во финалето на Дејвис купот настапуваат 18 репрезентации во 6 групи – покрај Хрватска и Русија, во таа група се и Шпанците. Во четврт-финалето ќе се пласираат победниците во шесте групи и најдобропласирани две втори репрезентации.
Белгија пак, исто така стигна до стартна победа – Стив Дарси беше подобар од Сантијаго Хиралдо (6:3/6:2), додека Давид Гофан со 3:6/6:3/6:3 го совлада Даниел Галан Риверос.
Victories secured for Belgium and Russia ✅
?? and ?? are still battling it out at Stadium 2 as Berrettini forces a decided against Shapovalov!#DavisCupMadridFinals pic.twitter.com/cQcL0Lrdvp
— Davis Cup (@DavisCup) November 18, 2019