Британецот Сајмон Јејтс направи голем чекор кон својата прва голема победа, откако успеа да ја задржи розевата маичка и по 16. етапа, трката на хронометар од Тренто до Роверето во должина од 34 километри.
Австралиецот Роан Денис стигна до победа со време од точно 40 минути, но Јејтс е тој што треба најмногу да се радува бидејќи загуби само 75 секунди од својот главен ривал за титулата, актуелниот шампион Том Думулин. Со ова пред последните пет етапи и нападот на Алпите, Јејтс има 56 секунди предност пред Думулин.
Холанѓанецот е специјалист за трки на хронометар и се очекуваше тој да го помине Јејтс во генерален пласамн, но тој заврши со 22 секунди заостанување на третото место на етапата. Крис Фрум беше петти со 40:35.
11th Maglia Rosa for @SimonYatess, the 17th for Great Britain, now only one shy of Ireland, which occupies the 11th all-time spot. #Giro101 #Giro @MitcheltonSCOTT pic.twitter.com/4j4KYdL59a
— Giro d’Italia (@giroditalia) May 22, 2018