Додека другите спортови се на „пауза“ поради корона вирусот, Светската снукер турнеја продолжува со Гибралтар опен, каде што Џад Трамп стигна до својата шеста ранкинг титула оваа сезона и до награда од 200.000 фунти со трилер 4:3 победа над Кајрен Вилсон во финалето.
Аутсајдерот Вилсон имаше шанси да го победи Трамп откако водеше со 3:2 во фрејмови, но направи неколку почетнички грешки дозволувајќи му на Англичанецот да стане првиот снукер играч со шест ранкинг титули во една сезона, и да го промовира во еден од фаворитите на последните два турнири од сезоната, Корал шампионатот и Светското првенство во Шефилд.
По оваа грешка, Трамп со сенчури успеа да израмни на 3:3, за потоа лесно да го освои и одлучувачкиот фрејм за победа.
. @judd147t becomes the first player in snooker history to win six ranking titles in a season pic.twitter.com/YwQGlK98vK
— Eurosport UK (@Eurosport_UK) March 15, 2020