Британскиот боксер, Ентони Џошуа со едногласна одлука на судиите го победи „мексиканскиот“ Американец, Енди Руис и повторно стана светски шампион во тешка категорија. За Џошуа судиите по завршувањето на 12-те рунди гласаа 118-110, 118-110 и 119-109.
Џошуа на овој начин му се реваншираше на „дебелкото“ Руис за сензационалниот пораз во јуни во „Медисон сквер гарден“ во Њујорк.
Британецот освен што си го врати шампионскиот појас, сега е побогат за 55 милиони долари.
Ниту Џошуа, ниту, пак, Руис не воодушевија со боксот. Британецот стрпливо ги собираше поените, од силината на ударите пукна и аркадата на Американецот, а како се ближеше борбата кон крајот, се повеќе се тактизираше.
Се на се, победата заслужено му пришадна на британскиот боксер.