Наиро Кинтана победи на 17.етапа на „Тур д’Франс“, по која носителот на жолтата маичка Џерент Томас уште повеќе се доближи до конечна победа на најпрестижната велосипедска трка во светот.
Колумбиецот, Кинтана, ридската етапа долга 65 километри од Банер де Лошон до Сен Лари Сулан ја мина за 2:21.28 часа. Лидерот во генералниот пласман Томас зад победникот задоцни за 47 секунди и 17.етапа ја заврши на третото место.
По оваа етапа Томас ја зголеми предноста во однос на конкурентите, Томас Думолан кој заостанува една минута и 55 секунди и Крис Фрум, кој го загуби второто место во генералниот пласман и зад сонародникот и тимски колега сега доцни за две минути и 27 секунди.
Следната етапа на програмата е утре, а ќе се возат 172 километри од Три сур Бес до По.