Top Sport

Федерер откри против кого имал најмногу проблеми

Швајцарскиот тенисер Роџер Федерер уште еднаш истакна дека најтежок ривал му бил Рафаел Надал.

Легендарниот играч извесно време помина во Њујорк со тамошните млади тениски надежи.

На еден од тренинзите го прашаа против кој играч има најмногу проблеми.

„Имав најмногу проблеми против Рафаел Надал, особено поради неговиот врвен спин и фактот дека игра со лева рака“, рече Федерер, а потоа тој на девојчето му постави прашање.

„Дали ти се допаѓа да играш против левораки играчи“.

„Не“, одговори таа.

„Ето“, со насмевка одговори Федерер.

Инаку, Надал има скор од 24 победи и 16 порази против Федерер.

Последен пат тие се сретнаа во полуфиналето на Вимблдон 2019 година, кога Швајцарецот победи.

Scroll to Top