Новак Ѓоковиќ се пласираше во полуфиналето на Србија опен, откако во дуел со својот сонародник, Миомир Кецмановиќ стигна до рутинска 6:1/6:3 победа во нивниот прв меѓусебен дуел на АТП турнејата.
Светскиот рекет број 1, кој е 12 години постар од Кецмановиќ, го диктираше темпото на мечот од почетокот до крајот, правејќи брејк за 3:0 водство, за да го остави ривалот на еден гем во првиот сет. Ѓоковиќ веднаш направи брејк и во вториот сет за водство од 2:0, по што го доведе мечот до крај.
За финале, Ѓоковиќ ќе се бори со подобриот од дуелот меѓу светскиот рекет број 23., Русинот Артјом Карацев и 93-рангираниот Италијанец Џанлука Магер.