Без загубен сет, српскиот тенисер Новак Ѓоковиќ се пласираше во финалето на турнирот во Рим. Светскиот рекет број еден вечерва ја потврди подобрата форма во полуфиналната пресметка со десеттиот светски играч, Норвежанецот Каспер Руд.
По еден час и 45 минути, Ѓоковиќ триумфираше со 2:0 во сетови (6:4, 6:3).
Ова беше трета меч меѓу Ѓоковиќ и Руд, сите три ги доби српски тенисер. Мора да се напомене дека ова е вкупно 1.000 победа на Новак Ѓоковиќ во кариерата, а такво постигнување имаат само уште четворица во историјата на тенисот.
Новак Ѓоковиќ ќе се бори за титулата во Рим против Гркот Стефанос Циципас, кој претходно денеска беше подобар од Александар Зверев.