Новак Ѓоковиќ избори пласман во полуфиналето на Австралија опен. Првиот светски рекоет го победи Тејлор Фриц по речиси четири часа игра со 3:1 (7:6, 4:6, 6:2, 6:3).
Фриц (12. на АТП листата) му пружи силен отпор на првиот фаворит, но беше поразен и во деветтиот меѓусебен дуел со Ѓоковиќ.
Ѓоковиќ лошо ги користеше брејк топките во првите два сета и само поради тоа не победи многу порано. Во првите два сета не искористи 15 брејк шанси. Еден од клучните моменти се случи во финишот на првиот сет кога при резултат 5:6, Фриц не искористи две сет топки.
Од третиот сет Ѓоковиќ играше многу посигурно, во третиот направи брејк на самиот почеток, а во четвртиот по брејкот во шестиот гем, Фриц возврати со ри-брејк, но веќе во осмиот гем Ѓоковиќ со нула го доби сервисот на противникот и го реши прашањето на победникот.
„Тејлор има еден од најдобрите сервиси. Го гледав против Циципас, тој сервираше исклучително добро. Лошо ги реализирав брејк топките, 4/21, но успеав да го направам тоа кога требаше. Го подигнав нивото на мојата игра од средината на третиот сет сервирав одлично. Имав повеќе асови од него, што е изненадувачки, но тоа е за пофалба во еден ваков меч“, изјави Ѓоковиќ.
Ѓоковиќ во полуфиналето ќе игра против Јаник Синер или Андреј Рубљов.