Карен Хачанов ја освои својата втора титула во кариерата откако во драматично финале со 7:5/3:6/7:5 го победи Лукас Пуј за трофејот од Опен 13 во Марсеј.
Деветтиот носител имаше 16 аса во тесниот дуел, победувајќи на вториот меч поен, кога третиот носител Пуј згреши на форхенд.
„Се надевам дека ќе имаме многу финалиња бидејќи Лукас е одлично момче. Убаво е да се игра пред полни трибини и се надевам дека ќе се вратам и следната година“, вели Хачанов.
47-рангираниот Русин својата прва титула ја освои во Ченгду, Кина пред две години, додека Пуј пропушти шанса да освои втора титула во сезоната и шеста во кариерата.
Хачанов за победата доби чек од 115.150 евра, по што Пуј на англиски јазик се пошегува со младиот Русин.
„Сега ти го плаќаш авионот до Дубаи“, му порача Пуј, бидејќи двајцата играат на АТП 500 турнирот следната недела.
Good match and great week for Khachanov, Who wins a second career title in Marseille. Good start of the year for him after a super up & down 2017. pic.twitter.com/pv4xlDRHSh
— José Morgado (@josemorgado) February 25, 2018