На втората етапа на велосипедската трка „Етоал де Бесеж“ во Франција, на 24 километри пред целта се случи несреќа. Малиот мост се покажа премногу тесен за секој што се обидуваше да го помине, што резултираше со голем судир. Во ова најлошо помина Французинот Валентин Ферон (24), кој остана да виси на ѕидот од мостот од десната страна.
Ферон за малку ќе паднеше во провалија, но со помош на Аксел Лараунс успеа да се спаси.
„Беше малку напнато. Направив сѐ што можев за да го избегнам падот, но тоа беше неизбежно. Потоа одеднаш се најдов со рацете на ѕидот и нозете во воздух. Не знам ни како. За среќа, Аксел ми помогна многу да се вратам на патот и му благодарам за тоа. Моите колена се само малку удрени“, изјави Ферон.
На крајот немаше доволно амбулантни возила за сите повредени велосипедисти, па организаторите мораа да застанат и да ја откажат етапата.
💥Dura caída masiva en la Etapa 2 de la Etoile de Bességes 2023 🇫🇷 #EDB2023 #EtoiledeBesseges #Ciclismo #Noticiclismo pic.twitter.com/mgS9e2HVXX
— NotiCiclismo ➡ 🇪🇸 #VCV2023 (@Noticiclismo1) February 2, 2023