Хрватската претседателка Колинда Грабар-Китаровиќ е позната како голема љубителка на спортот, откако лани присуствуваше на финалето на СП во Русија каде што Хрватска загуби од Франција, а сега беше во посета на УФЦ шампионот во тешка категорија, Американецот со хрватско потекло Стипе Миочиќ.
Грабар-Китаровиќ беше на посета на Кливленд, од каде што доаѓа Миочиќ, поточно во „Стронг стајл“ центарот каде што тренира последните 20 години. Тие разделија подароци – претседателката му даде фудбалски дрес на хрватска, а Миочиќ пар боксерски ракавици.
37-годишниот Миочиќ имаше време и за мал тренинг со Грабар-Китаровиќ.
„Вистинска чест. Таа има опасна левица. Благодарност до Хрватска за поддршката“, напиша Миочиќ на Инстаграм.
„Научив некои потези. Сега ми следува кампања и се надевам дека ќе ми помогнат“, изјави на шега Грабар-Китаровиќ.