Шпанскиот тенисер Карлос Алкараз ја комплетираше полуфиналната четворка на УС Опен, откако во неверојатен меч кој траеше пет и пол часа, со 3:2 во сетови го елиминира Италијанецот Јаник Синер. Алкараз покажа поголема ментална сила и неверојатна физичка подготвеност во последниот петти сет и го доби со 6:3 во гемови. Тој ги освои последните четири гема по ред.
Алкараз во полуфиналето ќе се сретне со Френсис Тијафо, кој направи сензација со елиминацијата на Рафаел Надал, а потоа беше подобар и од Андреј Рублев со 3:0 во сетови.
Втората полуфинална двојка во машка конкуренција ја сочинуваат Карен Хачанов и Каспер Руд.
Кај дамите, првата носителка Ига Швјонтек се пласира во полуфиналето со триумфот од 2:0 во сетови против Џесика Пегула, а следна ривалка ќе и биде Арина Забаленка. Во второто полуфинале ќе играат Каролин Гарсија и Онс Жабер.