Шампионката од Австралија опен, Софија Кенин, актуелната шампионка Белинда Бенчич и третата носителка Елина Свитолина имаа експресно заминување од Дубаи тенискиот шампионат.
Петтата носителка Кенин имаше сет предност, но загуби со 6:7(2)/6:3/6:3 по два часа игра од Казахстанката Елена Рибакина, која во неделата загуби во финалето на Сант Петерсбург опен и пристигна во Дубаи вчера. 20-годишната Рибакина нема загубено меч во три сета оваа сезона во седум дуели.
Русинката Анастасија Пављученкова пак, се врати од сет негатива за 1:6/6:1/6:1 победа над Бенчич, која мечот го започна со 19 освоени поени во низа, пред Пављученкова да се врати во игра.
Свитолина беше уште една тенисерка која се мачеше на сервис во Дубаи, освојувајќи само 49 отсто од поените на прв сервис за по само 60 минути да загуби со 6:2/6:1 од американската квалификантка Џенифер Брејди.