Top Sport

Коко Гоф на 15 години во финалето во Линц

Тинејџерката Коко Гоф стигна до своето прво финале во кариерата, откако 15-годишната Американка со 6:4/6:4 ја победи Германката Андреа Петкович во полуфиналето.

За својот прв ВТА трофеј, Гоф ќе се бори со поранешната шампионка од Ролан Гарос, Летонката Јелена Остапенко, која се намачи за да стигне до 1:6/7:6(5)/7:5 ја совлада Русинката Екатерина Александрова.

Гоф, која стана позната кај тениските фанови со пласман во осминафиналето на Вимблдон оваа година, е најмладата тенисерка во финале откако Никол Ваидишова ја освои титулата во Ташкент во 2004 година.

„Навистина не ми се верува дека сум во финале. Линц очигледно е моето среќно место“, вели Гоф, која успеа да влезе во главната ждрепка како „лаки лузер“ – односно загуби во последното коло од квалификациите, но влезе на турнирот по повлекување на друга тенисерка.

Scroll to Top